Süd dişləri altdan gələn qalıcı dişlərin rəhbəridir. Buna görə də, uşaqlara ağız baxımı vərdişinin yaradılması və süd dişlərinin sağlamlığı çox əhəmiyyətlidir.

Uşaq Stomatologiyasında

Bilməli olduğunuz mövzular

Süd dişləri özündən sonra gələcək olan daimi dişlərə bələdçilik edir.
Dişlərin sağlamlığını qorumaq üçün 6 aydan bir uşaqlar stomatoloq müayinəsində olmalı, çürümüş süd dişləri müalicə olunmalıdır
Diş fırçası istifadəsinə uşağın arxa dişləri çıxdıqdan sonra (ortalama 2,5 – 3 yaş) başlana bilər.
Vacib məqamlardan biri də köhnələn fırçalardan istifadə edilməməsidir.

Uşaqlarda ortodontik müalicə

Müxtəlif göstəricilərə görə 50-80% uşaqlarda erkən yaş dövrlərində ortodont müayinəsi mütləqdir. Uşaqlarda ilk ortodontik müayinə 7-8 yaşlarında aparılmalıdır. Uşaqlarda breket mealicəsi 11-12 yaşlarında başlanılması tövsiyə olunur.Həkim erkən müayinə ilə yarana biləcək anomaliyaların qarşısını əvvəldən ala bilər.

Bəs uşaqların dişləri niyə əyilir?

Vaxtında ana südü ilə qidalanmamaq çənənin inkişafına təsir edir. Çənə inkişafdan qalanda dişlər bir cərgədə yerləşmək üçün yer tapa bilmir. Uşaqları pis vərdişlərdən kənarlaşdırmaq lazımdır, barmaq sovurmaq, əmzikdən çox istifadə etmək diş sırasında qüsurlar yarada bilər.

Diş əyriliyinin səbəblərindən biri də genetik faktorlardan asılı ola bilər, buna görə də uşaqları vaxtında diş müayinəsinə aparmağı tövsiyə edirik.

Süd dişləri Müalicə olunmalıdır

Süd dişləri müvəqqəti dişlər olduğu üçün valideyinlər bir çox hallarda düşünürki bu dişlərə baxım edilməməli və müalicə olunmamamlıdır. Lakin müalicə edilməyən süd dişi çürükləri ağrı, pis qoxu, çeynəmə çətinliyi və diş itkisinə gətirib çıxarır. Vaxtından öncə tökülmüş süd dişləri daimi dişlərin əyri formalaşmasına və gələcəkdə ciddi ortodontik problemlərin yaranmasına səbəb olur.